Nobel 2011 aos tres astrónomos que descubriron a expansión acelerada do Universo

Perlmutter, estadounidense, nacido en 1959, é profesor da Universidade de California en Berkeley e do Laboratorio Nacional Lawrence Berkeley. Schmidt, con nacionalidade estadounidense e australiana, nacido en 1967, é profesor da Universidade Nacional Australiana en Weston Creek. Riess, estadounidense, nacido en 1969, é profesor na Universidade Johns Hopkins (Baltimoere, EE UU) e investigador do Instituto Científico do Telescopio Espacial.

Os tres astrónomos foron premiados polos seus descubrimentos sobre a aceleración da expansión do Universo a través das súas observacións de supernovas (explosión dun tipo de estrelas ao final da súa vida) moi distantes . Chegaron a conclusión que a expansión do universo, non esta, como cabía esperar, retardándose desde a gran explosión, fai uns 13.700 millóns de anos, senón que está acelerándose, debido á chamada enerxía escura.
A misteriosa enerxía escura, aínda que supón tres cuartas partes do Universo coñecido, é de momento, un dos máis grandes enigmas da Física.